banner_3.jpg
 
Fréttir og Tikynningar :: H20 m. klór
Á döfinni hjá Ægi Prentvæn útgáfa Senda í tölvupóst
Skrifað af: Ásgeir Ásgeirsson   
Sunnudagur, 17. nóvember 2019 15:40

Ægir tekur þátt í Fjölnismótinu um næstu helgi en mótið er fyrir sundmenn 14 ára og yngri. Jólamót Ægis verður haldið 14. desember f.h. og verður auglýst nánar síðar. Ægir mun halda Reykjavíkurmeistaramótið sem verður haldið 10-11 janúar nk. Þá er Ægir samstarfsaðili SSÍ um sundmót RIG 2020 leikanna sem haldið verður dagana 24-26. janúar. Vegna anna í janúar verður uppskeruhátið Ægis sem gjarnan er í byrjun hvers árs haldin laugardaginn 4. febrúar 2020.

Stjórnin.

 
Æfingar yngri hópa hefjast í næstu viku Prentvæn útgáfa Senda í tölvupóst
Skrifað af: Ásgeir Ásgeirsson   
Miðvikudagur, 28. ágúst 2019 21:13

Sundæfingar yngri hópa hefjast í næstu viku skv. æfingaáætlun (sjá hér til vinstri á síðunni). Nánar hér að neðan:

 

Gullfiskahópar:

Æfingar hefjast í innilaug í Breiðholtslaug þriðjudaginn 3. september. Athugið tímasetningu hvers hóps á æfingaáætluninni. Leiðbeinandi er Símon Geir Þorsteinsson en hann hefur áralanga reynslu af sundkennslu ungra barna. Mikilvægt er að foreldrar fylgi börnum í gegnum klefa og inn í laug og sæki þau í laugina að æfingu lokinni.

Bleikjuhópar:

Æfingar hefjast í innilaug í Breiðholtslaug mánudaginn 2. september. Athugið tímasetningu hvers hóps á æfingaáætluninni. Leiðbeinandi er Lilja Benediktsdóttir sem er fyrrum sundkona úr Ægi og sem hefur þjálfað þennan hóp undanfarin 3 ár.

Laxar 1: Laugardalslaug

Æfingar hefjast í innilaug Laugardalslaugar mánudaginn 2. september kl. 15:30 skv. æfingaáætlun. Þjálfarar eru Emilía Sól Guðmundsdóttir sundkona í Ægi og Guðmundur Sveinn Hafþórsson, yfirþjálfari Ægis en þau skipta þjálfuninni með sér. Höfrungar og Laxar í laugardal hafa sameiginlegan facebook hóp sem aðstandendur geta gerst meðlimir í.

Laxar 2: Breiðholti

Æfingar hefjast í útilaug í Breiðholti mánudaginn 2. september kl. 17:00 skv. æfingaáætlun. Þjálfari er Gunnar Bjarki Jónsson fyrrum sundmaður úr Breiðablik og nýr þjálfari hjá Ægi. Honum til aðstoðar er Guðný Birna Sigurðardóttir sem einnig var sundkona í Breiðablik. Laxar í Breiðholti hafa facebook hóp sem aðstandendur geta gerst meðlimir í.

Höfrungar 1: Laugardalslaug

Æfingar hefjast í innilaug Laugardalslaugar mánudaginn 2. september kl. 15:30 skv. æfingaáætlun. Þjálfarar eru Emilía Sól Guðmundsdóttir sundkona í Ægi og Guðmundur Sveinn Hafþórsson, yfirþjálfari Ægis en þau skipta þjálfuninni með sér. Höfrungar og Laxar í laugardal hafa sameiginlegan facebook hóp sem aðstandendur geta gerst meðlimir í.

Höfrungar 2: Breiðholti

Æfingar hefjast í útilaug í Breiðholti mánudaginn 2. september kl. 18:00 skv. æfingaáætlun. Þjálfari er Gunnar Bjarki Jónsson fyrrum sundmaður úr Breiðablik og nýr þjálfari hjá Ægi. Honum til aðstoðar er Guðný Birna Sigurðardóttir sem einnig var sundkona í Breiðablik. Höfrungar í Breiðholti hafa facebook hóp sem aðstandendur geta gerst meðlimir í.

 

Upplýsingar um netföng þjálfara og símanúmer má finna á æfingaáætluninni

 
Skráning á haustmisseri 2019 Prentvæn útgáfa Senda í tölvupóst
Skrifað af: Ásgeir Ásgeirsson   
Mánudagur, 12. ágúst 2019 06:32

Kæru sundmenn og forráðamenn. Nú er skráning í sundhópa hafin fyrir haustmisseri 2019. Eins og áður þá fara skráningar fram í rafrænu skráningarkerfi Sundfélagsins Ægis (Nóra). Hægt er að greiða með greiðslukorti eða skipta greiðslum í allt að 3-5 hluta (eftir hópum) með því að fá senda greiðsluseðla í heimabanka. Hefjið skráningu með því að smella hér eða á krækjuna vinstra megin á síðunni.

Það er afar mikilvægt að skrá sundmenn sem fyrst til að hægt sé að staðfesta æfingtöflu hópanna en fyrstu drög að henni má finna hér eða á síðunni til vinstri. Vakin er athygli á því að æfingataflan getur breyst næstu vikur á meðan allir hópar eru að komast í gang.


Mikilvægt er að fylgjast með fréttum hér á heimasíðu félagsins og frá þjálfurum á facebook síðum hópanna (GullSilfurBrons).

Stjórnin.

 
AMÍ 2019 - upplýsingar Prentvæn útgáfa Senda í tölvupóst
Skrifað af: Ásgeir Ásgeirsson   
Mánudagur, 10. júní 2019 11:26

AMÍ 2019

Síðast uppfært 11/6.

Aldursflokkameistaramót Íslands í sundi 2019 (AMÍ) verður haldið í Vatnaveröld í Reykjanesbæ dagana 21-23. júní. Gist verður að þessu sinni í Myllubakkaskóla sem er í um 10 mín göngufæri við sundlaugina. Matur verður einnig framreiddur í Myllubakkaskóla. Lokahóf á sunnudagskvöldið fer fram í Stapanum. Aðrar almennar upplýsingar um mótið má finna hér.

 

Ægir verður með 21 sundmann á mótinu sem náð hafa lágmörkum til keppni og mun hópurinn vera saman allan tímann og gista í Myllubakkaskóla. Eins og staðan er núna er reiknað með að við sameinumst um að koma krökkunum suður eftir á einkabílum á fimmtudeginum 20 júní. Þetta verður staðfest síðar í vikunni. Gummi og Styrmir standa þjálfaravaktina á mótinu.

 

AMÍ er stærsta og skemmtilegasta mót ársins fyrir yngri sundmenn og markar lok sundársins. Keppt er í aldursflokkum frá upp að 17 ára aldri og félög koma allstaðar að af landinu til að taka þátt. 

 

Kostnaður við þátttöku er kr. 25.000,- og skiptist þannig að 23.000,- greiðist til ÍRB fyrir gistingu, mat, lokahóf og AMÍ bol. Við reiknum síðan kr. 2.000,- í bakkamat en nauðsynlegt er að krakkarnir hafi nóg að bíta og brenna á milli greina á bakkanum. Gjaldið verður að greiða fyrir 20. júní og skal leggja upphæðina inn á reikning félagsins: Reikningur: 0115-26-8888, kennitala: 420369-4929 og setja skal nafn sundmanns og AMÍ í skýringu.

 

Við biðlum til foreldra að gefa kost á sér í fararstjórn á mótinu en helginni verður skipt upp í dag- og næturvaktir. Fyrsta vakt er frá fimmtudagskvöldi til föstudagsmorguns og svo koll af kolli til sunnudagskvölds. Mikilvægt er að fá farastjóra af báðum kynjum á hverja vakt.

 

Stofnuð hefur verið facebook síða fyrir samskipti í tengslum við mótið og má finna hana hér. Einnig verður haldið úti fréttum hér á þessari síðu í aðdraganda þess. Hjálpumst að við að gera þetta að skemmtilegri upplifun fyrir þessa frábæru krakka.

 

Stjórn og þjálfarar.


 
Sumarsundskóli Ægis 2019 Prentvæn útgáfa Senda í tölvupóst
Skrifað af: Ásgeir Ásgeirsson   
Þriðjudagur, 30. apríl 2019 23:09

 

Picture1

SUMARSUNDSKÓLI ÆGIS, SKRÁNING ER HAFIN :-)

Smellið hér til að fá nánari upplýsingar um námskeiðin.

Smellið hér til að skrá.

 
«FyrstaFyrri12345678910NæstaSíðasta»

Síða 8 af 132
 

WorldClass