find us on facebook

HnappurBLUE2

hb

banner_7.jpg
 
Verið velkomin á heimasíðu Ægis
Nýtt sundár að hefjast Prentvæn útgáfa Senda í tölvupóst
Skrifað af: Ásgeir Ásgeirsson   
Sunnudagur, 02. ágúst 2020 19:44

Nú er nýtt sundár að hefjast hjá Ægi eftir stutt sumarfrí. Fyrirvari er gerður um opnun sundlauga vegna COVID-19 faraldursins. Því er vert að fylgjast vel með samskiptum á facebook hópum og hér á Ægissíðunni.

Upplýsingar:

Hóparnir hefja æfingar sem hér segir:

  • Gull- og Silfur hópar hefja æfingar þann 6. ágúst skv. nánara skipulagi yfirþjálfara, Guðmundar Sveins Hafþórssonar.
  • Bronshópur hefur æfingar 13. ágúst í Laugardalslaug skv. æfingaáætlun. Þjálfari er Styrmir Ómarsson.
  • Höfrungar og Laxar hefja æfingar 1. september í Breiðholtslaug og Laugardalslaug.
  • Bleikjuhópar hefja æfingar 2. september í innilaug Breiðholtslaugar. Þjálfari er Símon Geir Þorsteinsson.
  • Gullfiskanámskeið hefjast 8. september og eru í 12 vikur. Leiðbeinendur eru Símon Geir Þorsteinsson og Hjördís Freyja Kjartansdóttir.

Upplýsingar um æfingahópa og skráningar gefur Guðmundur Sveinn Hafþórsson á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .  

Gjaldskráin er óbreytt frá síðasta ári en 500 kr. gjald bætist við hvort misseri til að standa straum af notkun snjallforritsins SportAbler sem notað er til samskipta á milli sundmanna, aðstandenda og þjálfara. Forritinu má hala niður í Apple og Samsung síma.

Vinsamlegast skráið sundmenn sem fyrst :)

Stjórn og þjálfarar.

 
Sundfélagið Ægir leitar að sundþjálfara Prentvæn útgáfa Senda í tölvupóst
Skrifað af: Ásgeir Ásgeirsson   
Mánudagur, 27. júlí 2020 21:38

Sundfélagið Ægir leitar að sundþjálfara til að þjálfa Laxa- og Höfrungahópa í Breiðholtslaug á komandi vetri. Upplýsingar veitir Guðmundur Sveinn Hafþórsson, yfirþjálfari félagsins í síma 770-4107 eða á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

 
Niðurstöður aðalfundar 2020 Prentvæn útgáfa Senda í tölvupóst
Skrifað af: Ásgeir Ásgeirsson   
Fimmtudagur, 14. maí 2020 22:06

Aðalfundur Sundfélagsins Ægis var haldinn 12. maí síðastliðinn. 

Eftirfarandi breytingar urðu á stjórn félagsins: Ólafur Örn Ólafsson lauk 4 ára stjórnarsetu og tók Guðni Einarsson sæti hans til tveggja ára. Sundfélagið Ægir þakkar Ólafi fyrir frábært starf sem gjaldkeri félagsins. Þá gaf Helgi Þór Þórsson kost á sér til áframhaldandi stjórnarsetu til tveggja ára.

Eftirtaldir stjórnarmenn sitja áfram til eins árs: Ásgeir Ásgeirsson formaður, Júlía Þorvaldsdóttir og Hildur Björk Kristjánsdóttir.

Ný stjórn mun skipta með sér verkum á fyrsta fundi og kjósa fulltrúa í Sundráð Reykjavíkur.

Engar lagabreytingar lágu fyrir fundinum.

Þá fól fundurinn nýrri stjórn að endurskoða lög félagsins í heild sinni auk annarra verkefna.

 

 
Aðalfundur Sundfélagsins Ægis 2020 Prentvæn útgáfa Senda í tölvupóst
Skrifað af: Ásgeir Ásgeirsson   
Mánudagur, 04. maí 2020 22:42

Aðalfundur Sundfélagsins Ægis vegna starfsársins 2019 verður haldinn þriðjudaginn 12. maí kl. 18:00 á efri hæð Laugardalslaugar. 

Dagskrá aðalfundar er sem hér segir:
   1. Setning
   2. Kosning fundarstjóra og fundarritara.
   3. Skýrsla stjórnar um liðið starfsár.
   4. Reikningar félagsins lagðir fram.
   5. Umræður um skýrslu stjórnar og reikninga. Reikningar bornir upp. 
   6. Lagabreytingar (tillögur berist minnst viku fyrir aðalfund)
   7. Ákvörðun um árgjald
   8. Kosningar:
       a) Kosning formanns til tveggja ára (sitjandi formaður á eftir eitt ár af starfstíma sínum).
       b) Kosning stjórnarmanna í laus stjórnarsæti til tveggja ára (kosið verður um eitt laust stjórnarsæti)
       c) Kosning endurskoðanda og eins til vara
       d) Kosning eins fulltrúa til tveggja ára í SRR
   9. Staðfesting á tilnefningum í foreldraráð.
 10. Önnur mál.


Á fundinum verður kosið um tvö laus stjórnarsæti. Framboð til stjórnar skal tilkynna fyrir fundinn á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. , eða með því að gefa sig fram undir viðkomandi lið á fundinum.

Lög og markmið Ægis má finna á heimasíðu félagsins. Tillögur um breytingar á lögum skulu berast formanni á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. minnst þremur dögum fyrir fundinn.

Auk sundþjálfunar byggir starfsemi Ægis alfarið á vinnuframlagi foreldra og velunnara þess. Þar með talið eru stjórnarstörf, tæknistörf, dómgæsla og vinna í foreldraráði.

  • Vinna í foreldraráði felur m.a. í sér fararstjórn í æfingaferðum, umsjá fatamála og fjáröflunar og að halda utan um félagsstarf sundhópa. Leitað er að tveimur einstaklingum fyrir hvern sundhóp félagsins til að taka að sér störf í foreldraráði. 
  • Árlega eru auglýst dómaranámskeið sem gefa réttindi til dómgæslu á sundmótum. Foreldrar eru hvattir til að sækja þau og í framhaldinu að dæma fyrir félagið. 

Foreldrar og aðrir sem vilja upplýsingar um eða gefa kost á sér í fyrrgreind störf vinsamlegast sendið tölvupóst á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

 

Allir velunnarar Ægis eru velkomnir á aðalfundinn. Allir félagsmenn í Sundfélaginu Ægi hafa atkvæðisrétt á aðalfundi. Félagsmenn teljast þeir sem greitt hafa árgjald eða æfingagjöld til félagsins eða forsvarsmenn sundmanna sem greitt hafa æfingagjöld til félagsins. 

Stjórnin.

 
Staðfest að æfingar hefjist á ný þann 4. maí. Prentvæn útgáfa Senda í tölvupóst
Skrifað af: Ásgeir Ásgeirsson   
Föstudagur, 01. maí 2020 21:49

Nú er staðfest að æfingar byrja aftur þann 4. maí skv. æfingatöflu (sjá fyrri frétt). Framhaldsskólanemar í Gullhópi þurfa sérstaka áætlun þar sem þeir mega ekki æfa með grunnskólabörnum. 

Sjáumst hress í lauginni í næstu viku!

Stjórn og þjálfarar.

 
 

WorldClass

 

  SW