|
Æfingar haustið 2024 |
 |
 |
|
Skrifað af: Ingigerður
|
|
Þriðjudagur, 03. september 2024 20:48 |
|
Nú eru æfingar komnar á fullt í öllum hópum.
Æfingatöflu vetrarins má finna með því að smella hér.
Það er ennþá laust í nokkra hópa og því er um að gera tryggja sér pláss sem fyrst.
Skráningar og nánari upplýsingar um alla hópa er að finna með því að smella hér.
|
|
|
Skráningar fyrir haustið |
|
|
|
Skrifað af: Ingigerður
|
|
Laugardagur, 03. ágúst 2024 09:07 |
Nú fer að hefjast nýtt tímabil.
Skráningar eru hafnar í alla hópa frá Gullfiskum upp í Gullhóp.
Nú er tækifærið til að tryggja pláss fyrir börnin ykkar fyrir önnina.
- Gullhópur byrjar núna í Æfingabúðum 7.ágúst
- Silfurhópur byrjar um miðjan ágúst
- Brons byrjar um miðjan ágúst
- Laxar, Höfrungar, Bleikjur byrja 2.september
- Gullfiskar byrja 3.september.
|
|
Reykjavík í öðru sæti á Aldursflokkameistara mótinu í sundi |
|
|
|
Skrifað af: Ingigerður
|
|
Fimmtudagur, 04. júlí 2024 19:07 |
Tímabilinu er nú lokið og endaði á frábæru móti AMÍ í Reykjanesbæ.
Reykjavíkurliðin Ægir, KR, Fjölnir og Ármann sendu sameiginlegt lið undir merkjum Reykjavíkur.
Samvinnan í Reykjavík á AMÍ 2024, skilaði sér í öðru sæti til okkar fólks. Allt gekk einstaklega vel og okkar sundfólk var okkur öllum til mikils sóma.
Í Reykjavíkurliðinu voru 61 einstaklingar sem keppti í 295 einstaklingsgreinum og 28 boðsundum.
Mótið var skemmtilegt og sást mikið af bætingum hjá okkar fólki og fullt af verðlaunum komu í hlut okkar sundfólks.
Við tekur nú sumarfrí í öllum hópum og hlökkum við til haustsins til að byrja aftur.
Sundskólinn er að sjálfsögðu í fullu fjöri allan júlímánuð.
|
|
Krónusund og Bleikjusýning Sundfélagsins Ægis 1.maí kl.11. |
|
|
|
Skrifað af: Ingigerður
|
|
Laugardagur, 27. apríl 2024 08:02 |
Sundfélagið Ægir á afmæli þann 1.maí.
Á afmæli Ægis er hefð fyrir því að halda Krónusund. Krónusund er fjáröflun fyrir sundfólkið okkar og komandi verkefni þeirra. En framundan eru ýmis verkefni eins og æfingabúðir fyrir brons og silfur innanlands, AMÍ í Reykjanesbæ, og svo í sumar æfingabúðir erlendis fyrir elstu hópana.
Krónusundið fer þannig fram að þeir sem taka þátt safna áheitum pr hvern meter sem þau synda. Sem dæmi þá synda elstu hóparnir, gull, silfur og brons í 30 mínútur. Ef einhver heitir á sundmann 1 kr. á meter, og sundmaðurinn syndir td. 1.700 metra, þá þýðir það 1.700kr. í styrk. Fyrir 2 krónur á metra eru það 3.400kr osfrv. Í krónusundinu synda Laxar og Höfrunar í 15 mínútur og Gull, Silfur og Brons hópar synda í 30 mínútur.
Einnig munu Bleikjuhópar félagsins sýna okkur hvað þau hafa lært í vetur og synda nokkrar ferðir með aðstoð eldri sundmanna.ÂÂÂÂ Laugardalslaug kl.11 þann 1.maí.
Veitingasala og sala á fatnaði fer fram í sjoppunni á annarri hæð laugarinnar.
Við hvetjum alla til að koma í laugardalslaug 1. maí kl 11:00, sjá starfið hjá sundfólkinu okkar og styðja við þau.
|
|
Frábær sundnámskeið fyrir káta krakka |
|
|
|
Skrifað af: Ingigerður
|
|
Laugardagur, 27. apríl 2024 07:41 |
Nú hefur verið opnað fyrir skráningu á Sportabler Sumarsundnámskeið Ægis sem fara fram í innisundlaug í Breiðholtslaug. Vegna fjölda eftirspurna þá verða námskeiðin í sumar vikulöng námskeið og auðvelt að bóka fleiri vikur saman.
Fyrsta sundnámskeiðið hefst 10.júní.
Tímarnir eru 40 mínútur í senn og eru tímar eftirfarandi
- 8:20-9:00 (Tímar unnir með frístundarheimilum fyrstu 4 vikurnar)
- 9:00 - 9:40
- 10:00 - 10:40
- 10:40 - 11:20
- 11:40 - 12:20
|
|
|
|
|
