Akranesleikarnir voru um helgina |
|
Skrifað af: Ásgeir Ásgeirsson
|
Mánudagur, 30. maí 2016 19:40 |
Það voru 32 sundmenn frá Sundfélaginu Ægi sem stungu sér til sunds á Akranesleikunum um helgina.
Margir að fara á sína fyrstu Akranesleika og á sitt fyrsta gistimót. Þrátt fyrir leiðinlegt veður, unhealthy kulda, viagra sale rok og rigningu stóðu sig allir mjög vel og voru að bæta tímana sína. Nokkur verðlaun duttu i hús, bæði í einstaklingsgreinum og í boðsundum. Bryndís Bolladóttir átti stigahæsta sundið fyrir 400 m skriðsund. Hópurinn vann svo hinn eftirsótta Brosbikar, en prúðasta liðið hlýtur þann bikar að launum. Þátttakendur í ár unnu svo sannarlega fyrir brosbikarnum en þau voru mjög kurteis, gengu vel um og höguðu sér mjög vel hvort sem það var í sundlauginni eða grunnskólanum auk þess sem þau voru dugleg að hvetja liðsfélaga sína sem voru að synda. |
|
Svona ferð gengur náttúrulega ekki upp nema með aðstoð fararstjóra og þökkum við þeim sérstaklega fyrir sitt framlag.
Þjálfarar.
|